Во Старо Нагоричане се запознав со необична легенда врзана за изградбата на старата црква од византискиот император Роман IV Диоген во 11 век, ни ја раскажа бабичката која нѐ пречека.
Имено, се смета дека првата црква е изградена како храм на благодарност кон пустиникот и светител Прохор Пчињски, за кого се претпоставува дека престојувал во пештера во близината на црквата. Според легендата, Роман Диоген ловејќи по околните шуми ранил срна, која побегнала во пештерата во која таа живеела со светецот.
Светецот му прорекол дека кога ќе се врати во Цариград ќе стане византиски цар. Откако пророштвото се обвистинило, Диоген во знак на благодарност ја подигнал црквата.
Во Старо Нагоричане, легендите се вечни…
Ги има многу, во секое место…
Среќна сум што токму од тука го добив благословот за иднината на Македонија.
