Најверојатно, по извесниот пораз на коалицијата „Можеме“, партијата на Љубе Бошковски остана и без последниот општински комитет.
Имено, денеска претседателот на општинскиот комитет на Крива Паланка при Обединети за Македонија официјално премина во Македонска Акција-МААК, која е дел од коалицијата за „Обнова на Македонија“.
Тоа го потврди и шефот на РИШ на МААК, Михаил Новковски на својот фејсбук профил.
Револтот е забележителен и кај многу други партиски членови од други партии кои се во коалиција со СДСМ, а според коментарите кои кружат по социјалните мрежи, бомбите во кој главен актер е Зоран Заев се една од причините за ваквиот револт, но и програмата на ВМРО-ДПМНЕ која нуди можности за сите.