На Бојан Јовановски кој денеска се појави на рочиштето за „Меѓународен Сојуз“ му беше одземено правото на збор откако за судијката Софче Ефремова Гаврилова, за која побара изземање, рече дека е инструирана.
– Бев жртва на уцена на политички багабонти но не погледав на тие притисоци. Вие сте дел од ова бидејќи тие багабонти ми правеа притисок, рече Јовановски.
На тоа Ефремова Гаврилова реагираше и рече дека му го одзема правото на збор за ова рочиште.
– Боки, џабе креваш рака не ти давам збор, му рече судијката на обвинетиот.
Инаку ова е прво појавување во јавноста на Боки 13 откако е во домашен притвор откако правеше и операција на желудникот.
