– На терен ситуацијата со откупот не е во завидна ситуација. Значи повторно имаме нереална проценка на терен. Очекуваме на средбата со премиерот дека ќе се репи проблемот, бидејќи тој е тој што може да ги реши напите проблеми. А, доколку не се услушат нашите проблеми да се решат ќе заседава одборот и ќе ги преземе натамошните чекори, истакна Игор Мирчески, тутунопроиводител при телефонско јавување во емисија „Топ Тема“.

Мирчески додаде дека натамошните чекори зависат од ситуацијата и договорот кој ќе се постигне со премиерот.

– На терен имаме значи нереална проценка на тутунот, тоа е факт. Од сите да речам откупни пунктови се врши нереална проценка. Ние не бараме нешто специјално, тоа што си кец да си оди кец, тоа што е двојка да си оди двојка. А, тоа што си е тројка да си оди тројка. Скапаните тутуни што се ценат во моментов ќе си се одделат да си бидат реално проценети, рече Мирчески.