Според странските медиуми, принцот Хари и Меган Маркл планираат крштевање на нивната ќерка Лилибет во Виндзор, во присуство на кралицата Елизабета и другите членови на кралското семејство.

Според „Дејли мејл“, извор многу близок до парот открил дека принцот Хари ја споделил оваа желба со неколку луѓе за време на неговиот престој во Лондон, кога тој и неговиот брат Вилијам откриле статуа на принцезата Дајана во градината на палатата Кенсингтон по повод на нејзиниот роденден.

-Хари им рече на неколку луѓе дека сакаат Лилибет да се крсти во Виндзор, исто како и нејзиниот брат. Тие се среќни да чекаат додека не го дозволат тоа околностите, открил изворот.

Арчи беше крстен во капелата Сент Џорџ во Виндзор во 2019 година, а на приватната церемонија имаше само 25 гости, не вклучувајќи ја кралицата Елизабета.

Иако деталите за кумовите на кралското бебе отсекогаш биле објавувани во минатото, Хари и Меган тогаш одбија да ги потврдат имињата. Кумовите на кралските бебиња традиционално се најавуваат однапред – често наутро на денот на крштевањето – и се избираат постари роднини.

Крштевањето на малата Лилибет би било прва посета на Меган на Велика Британија откако парот ги напушти кралските должности минатата година. Кралското семејство сè уште не го објавило прашањето за крштевање и останува да видиме дали кралицата Елизабета ќе биде воодушевена од оваа идеја.