Љупчо Папазов, кандидат од ВМРО-ДПМНЕ за градоначалник на Кочани на гостувањето на Студио 10 на телевизија 24 рече дека сите детални урбанистички планови во градот ги има донесено ВМРО-ДПМНЕ.
-Тоа беше основа за да можат да работат во последните четири години. Ние имавме долгорочни проекти и ставени се во фиока, а тие прават само козметика, рече Папазов.
Папазов информираше дека СДСМ во изминатите години не работеше ништо правеше само чистка во јавните претпријатија.
-За 4 години СДСМ само бркаше професионалци и тоа од секаде од јавните претпријатија, од општината. Дополнително сега излегуваат само со погрешни информации како за водоводот, така и за другите области. на пример ние ги сменивме сите азбестни цефки, вели Папазов.
Според Папазов најголем проблем е сообраќајниот метеж.
-Ќе направиме нов влез во градот, ќе изградиме нова индустриска улица која ќе го поврзува вчезот од јужната страна до индустрискиот дел, со тоа ќе го повлчечеме товарниот превоз и ќе го ослободиме централното градско подрачје. Ќе ги уредиме тротоарите, ќе го организираме паркирањето, рече Папазов.