Аки Рахимовски почина на 22 јануари, а сега се огласи неговиот син Кристијан кој по 30 години се врати во Македонија.

– Сега може да се каже дека срцето ми е цело. Мислам дека дојдов овде со причина, среќен сум овде, но чувствата ми се измешани, тага и среќа. Почувствував потреба веднаш по погребот на татко ми да дојдам во Македонија, да бидам со семејството на страната на татко ми – изјави Кики, пренесува 24сата.хр.

Тој објасни дека 30 години не бил во Скопје. Делумно поради негова вина, а делумно поради неговиот татко, но тој е среќен што дојде сега.

– Зошто мора да биде вака? Збунет сум, имав толку многу љубов таму, жал ми е што не дојдов порано – низ солзи изјави Кики.

– Татко ми и јас немавме класичен однос татко-син поради концертитe. Јас свирев, тој свиреше. Немавме класичен однос да се слушаме секој ден. Имавме некои неуспеси поради тоа. Многу ми беше тешко да разберам во тоа време, дури и кога беше Југославија, како можеш да го видиш татко ти на телевизија – додаде тој и рече дека кога почнал да се занимава со музика почнал да ги прави истите грешки како татко му и сфатил дека не било лесно.

-Изградивме прекрасна врска во последните години, се поврзавме. Медиумите истакнаа некои од овие работи, но луѓето не мора да знаат сè. Сакам сите да знаат дека многу се сакавме. Тој не сакаше да се меша во мојата музика, а јас не сакав да се мешам во неговата – заклучил тој.