Бендот Амадеус ја организираше промоцијата на новата песна во еден локал во Белград. На настанот не го заборавија својот колега тапанарот Бојан Златановиќ – Токан, кој почина како последица од коронавирусот.
-Му оддадовме почит, ќе го споменеме, ќе има солзи, емоции, изјави фронтменот на групата Бојан Тасиќ – Џаја.
Тој потоа откри колку им недостасува членот на бендот кој ги напушти пред две години.
-Тоа е рана која никогаш нема да зарасне, недостасува и ќе недостасува засекогаш, заклучи Тасиќ.
За време на промоцијата беше објавен и краток филм за Токан, тапанарот на бендот, кој почина пред две години, а целата вечер на промоцијата му беше посветена и беше организирана во негова чест.
Членовите на бендот не можеа да ги задржат солзите додека го гледаа филмот.