После 20 години, се градат две улици во индустриската зона УЗУС во Велес, исјави денеска градоначалникот на општината Марко Колев.

-Денеска во Велес во индустриската зона УЗУС каде почнавме градежни работи за изградба на две улици во индустриската зона.

Се работи за проект кој е финансиран преку Министерството за локална самоуправа и Бирото за регионален развој, каде што центарот за развој на планскиот регион и општина Велес го имплементираат овој многу значаен проект за оваа индустриска зона.

На територијата на општина Велес има пет индустриски зони, тоа е УЗУС, Речани, Речани два, индустриската зона Караслари и индустриската зона Мамутчево.

Ја користам оваа прилика да упатам апел до централната власт еве дека треба сериозни финансиски средства до делот на подобрувањето на основната инфраструктура затоа што Велес е помеѓу поголемите општини кои немаат технолошки развојни индустриски зони и цел терет кој се однесува на основната инфраструктура паѓа на општината, а тоа не можеме ние да го издржиме.

Значи оваа индустриска зона е повеќе од 20 години и патната инфраструктура не е решена, појасни Колев.