Пожарот што попладнево избувна во околината на Прешево во соседна Србија е видлив и во Куманово.
Според пишувањата на српските медиуми, опожарени се 50 хектари борова шума. Српските медиуми јавија дека е прогласена вонредна состојба на таа територија.
Во гаснењето на пожарот учествуваат противпожарни екипи и дел од месното население. Од Службата за вонредни ситуации во општина Прешево за РТС изјавиле дека нема опасност по населението. (МИА)
