Синот на легендарниот Ѓорѓе Балашевиќ, Алекса и неговата избраничка Николина добија ќерка.
Имено, радосната вест на Инстаграм ја сподели гордата баба Оливера Балашевиќ, која го откри и името на нејзината внука.
„Утрово небото повторно изненади. Кај нас се роди Вера Балашевиќ. Ви благодариме за поздравот“.
Постојат различни толкувања за потеклото на женското име Вера. Се верува дека, на прво место, тоа е старо христијанско наследство и дека една од христијанските доблести била земена како лично име, а потоа е од грчко или латинско потекло.
Ако се земе предвид дека основната интерпретација на потеклото на ова женско име е христијанската доблест – вера, тогаш женското име Вера може слободно да се преведе како „таа која верува“ или дури „таа што е верна“.
