Пејачката Билјана Сечивановиќ пред јавноста се претстави преку добро познатиот музички натпревар „Ѕвезде Гранда“, а секогаш оставаше впечаток на одмерена дама и храбра самохрана мајка, која со сите сили се бори за подобра иднина на својот син.

За да си обезбеди подобар живот, таа работеше неколку работни места. Билјана долги години живеела во Австрија. Навечер пеела, а дење учела германски и работела маникир во салон.

Иако живееше во тешки услови, предавањето никогаш не беше опција за неа. Но, еден болен момент ја промени засекогаш.

Имено, само неколку часа пред да го роди синот, ја известиле дека починал нејзиниот внук од сестра.

„За жал, не можев да бидам среќна со детето што го донесов на свет, бидејќи истиот ден поворката тргна да носи уште еден мал човек, поточно синот на сестра ми, Никола, два метри под земја“, раскажа пејачката еднаш низ солзи.

Потенцира дека во душата и останал длабоко врежан моментот кога и соопштиле дека детето на нејзината сестра починало.

-Почнав да врескам на цел глас и таа вечер не можев да заспијам како што треба, а набргу потоа почнаа болките и породувањето. Тешки моменти, сам во туѓ свет каде не припаѓаш. Се трудам да заборавам на тоа, но секој роденден на Матеја ме потсетува на тој момент, со болка во гласот опиша Билјана.

Бидејќи го оперирала грлото на матката, имала многу тешка и ризична бременост. Но, до седмиот месец од бременоста морала активно да настапува за да му ги обезбеди на своето дете најосновните работи.