Брус Вилис е снимен како зборува за првпат откако неговото семејство откри дека боледува од деменција, во видео кое покажува како го прославува својот 68-ми роденден.

Вилис не се појавуваше многу во јавноста од објавувањето на дијагнозата, додека неговото семејство ги информираше фановите на актерот за неговата состојба.

Така во неделата неговата поранешна сопруга Деми Мур (60) на социјалните мрежи сподели видео од семејната прослава на роденденот на Брус. Неговата сегашна сопруга Ема и ќерките Румер, Скаут и Талула беа присутни на забавата заедно со уште неколку гости.

На снимката цела група му пееше на актерот, а тој вил видно расположен. Отпеал неколку зборови од песната и ги дувнал свеќите.

Сепак, обожавателите на актерот се загрижени бидејќи на објавеното видео се забележува дека на Брус му недостига заб.

Happy birthday, BW! So glad we could celebrate you today. Love you and love our family.
Thank you to everyone for the love and warm wishes – we all feel them. pic.twitter.com/vcb50QP9hr

— Demi Moore (@justdemi) March 20, 2023