Срцето на 55-годишниот Кевин Хил одеднаш престанало да чука додека се лекувал од ретка болест.

Откако лекарите го вратиле во живот, Хил истакнал дека не видел светлина кон која може да оди, и дека неговата привремена „смрт“ и враќањето кај живите биле мирни.

Хил, кој лекарите во британската болница во градот Дерби го нарекоа човек чудо, исто така рекол дека влегол во „духовен свет“ и го гледал неговото тело како се распаѓа.

-Бев одвоен од моето тело, како да сум во духовен свет. Бев свесен што се случува, но беше толку мирно, опиша тој.

Тој истакнал и дека можел да ги види лекарите како се обидуваат да го спасат.

-Знаев дека сум мртов. Тогаш само заспав и кога се разбудив, бев жив. Знаев дека не е моето време да умрам. Оваа ситуација ме натера да ги преиспитам своите приоритети. Семејната атмосфера драстично се промени кога излегов од болницата. Станав поотпорен, рекол тој, објави Дејли Меил.

Хил речиси целосно се опорави.