Белгиските цариници конфискуваа три чоколадни зајачиња на аеродромот Завентем во Брисел, бидејќи анализата утврди дека се направени од чист метилендиоксиметамфетамин (MDMA), односно психоактивна дрога попозната како „екстази“.
-Пратката била пријавена како сувенир со вкупна вредност од 145,2 евра, пишува Brussels Times.
„Она што на почетокот изгледаше како вкусно задоволство за децата, по анализата се покажа дека е чист МДМА, наменет за производство на апчиња екстази“, изјави портпаролот на Федералната јавна служба за финансии Френсис Адинс за агенцијата Белга.
