Убавата хрватска актерка Миа Беговиќ немала лесен живот. Иако може да се пофали со импресивни улоги во филмот и театарот, деталите од приватниот живот на Миа се шокантни.
Имено, Миа важеше за една од најубавите жени на територијата на поранешна Југославија. Глумеше во бројни театарски претстави, филмови и серии, а најпозната е по улогите во сериите „Гордоста на Раткајеви“ и „Вила Марија“.
За прв пат се омажила во 1990 година со ватерполистот Роналд Лопатни. Двајцата беа во брак помалку од десет години и ја добија ќерката Маја Лена.
По разводот, во 2004 година, Миа повторно се омажи, овој пат за претприемачот Жељко Жнидариќ, а љубовта траеше шест години, по што следуваше уште една разделба.
Иако се чинеше дека Миа и Жељко ќе се разделат во добри односи, парот во 2012 година ги наполни страниците во весниците со драмата што ја доживеаја во тепачката за станот во Загреб каде што живееја заедно.
Додека Миа го снимала реалното шоу „Преживеан“ во далечната Костарика, Жељко ги сменил бравите во нивниот стан за актерката повеќе да не може да влезе. Неколку дена спиела на скалите пред влезната врата.
Сепак, најголемиот удар во животот за Миа Беговиќ беше смртта на нејзината сестра Ена, која загина во страшна сообраќајна несреќа во 2000 година, а во истиот автомобил беше и едномесечната ќерка на Ена – Лана, која ја имаше во брак со Јосип Радељак.
