На почетокот на 2000-тите Даниел Ѓокиќ се појави на јавната сцена, а се чини дека нема девојка која во тоа време не се заљуби во младиот пејач.

Во 2001 година, тој дебитираше на сцената со синглот „Гушни ме ти“, а наскоро хитовите продолжија да течат.

Сепак, најпозната песна му е дуетот со Драгана Мирковиќ „Живот мој“, која и денес е една од најпознатите песни. Многумина очекуваа Ѓокиќ после тоа да ја продолжи успешната кариера, но тој реши да се врати во родниот Минхен.

Откако доби улога во сапунската опера „Јелена“ во Србија, Даниел продолжи да глуми во Германија.

„Преку музиката го видов целиот свет, може да се каже дека сум космополит. Моментално работам многу, но наоѓам време и да се опуштам со пријателите“, изјави тој кратко по глумењето во популарната германска серија.

Како што објавија медиумите, тој не ја напуштил целосно Србија, а успешно издава станови на Златибор.

Даниел во 2007 година се ожени со ќерката на Богољуб Кариќ, Даница. Колку ѝ значел сопругот докажала со песната што му ја посветила – „Ти си единствен“, во чие видео се појавува и тој.

Сепак, по пет години бракот се распадна, а се шпекулираше дека причината е неверството на Даниел.

Тие не сакаа да зборуваат за разводот, па останува да се погоди која е вистинската причина за крајот на нивната љубов. Краткото враќање на сцената се случи во 2017 година, кога тој повторно сними дует со Драгана Мирковиќ.