Шпанскиот актер Габриел Гевара (22), ѕвезда на шпанската тинејџерска филмска франшиза „Culpa mia“, беше уапсен за време на филмскиот фестивал во Венеција под обвинение за наводен сексуален напад.
„По написите што се појавија на различни сајтови во врска со апсењето на шпанскиот актер Габриел Гевара во Венеција, Биеналето појаснува дека неговото присуство во Венеција не било поврзано со никакви настани или продукции поврзани со „Меѓународниот филмски фестивал во Венеција“, објавиле организаторите на фестивалот, пренесува „La Nuova Venezia“.
Гевара, кој има милиони следбеници на социјалните мрежи, го имаше своето актерско деби во шпанската адаптација на нордиската тинејџерска серија „Skam“, пред да стане славен во „Culpa mia“ на Амазон. Вчера тој пристигна во Венеција каде требаше да ја прими наградата „Filming Italy“. Сè уште не се познати точните обвиненија против него.
