Ема Коронел Аиспуро, сопругата на озлогласениот мексикански нарко бос Хоакин „Ел Чапо“ Гузман, е ослободена од американски затвор откако поминала две години зад решетки во Лос Анџелес бидејќи му помогнала на нејзиниот сопруг да дистрибуира дрога вредна милијарди долари во САД и поради перење на пари.
Како шеф на озлогласениот картел Синалоа, 66-годишниот Гузман управуваше со трговијата и шверцот со дрога во Мексико 25 години. Околу себе собрал и група луѓе подготвени да убиваат, киднапираат и мачат.
Во февруари 2021 година, таа беше приведена од ФБИ на меѓународниот аеродром „Далес“ во Вашингтон, под обвинение за трговија со дрога.
Според обвинителите, Ема помогнала во водењето на нарко империјата на нејзиниот сопруг помеѓу 2014 и 2017 година и, како што велат, тесно соработувала со командната и контролната структура на картелот Синалоа. Таа беше обвинета дека дистрибуирала големи количества дрога што била прошверцувана во САД.
Во 2021 година, Ема Коронел Аиспуро се изјасни за виновна за помагање во увоз на повеќе од 450.000 килограми кокаин, 90.000 килограми хероин, 45.000 килограми метамфетамин и околу 90.000 килограми марихуана.
Гламурозната 34-годишна сопруга и мајка на две деца сега е подготвена да започне нов живот без него.
Како изгледа животот после затворот? Ако ја прашате сопругата на озлогласениот шеф на мексиканскиот картел Синалоа, „Ел Чапо“ Гузман, таа е исполнета со убави моменти во ноќните клубови во Лос Анџелес.
Ема Коронел Аиспуро (33) пред неколку дена беше пуштена од притвор поради обвинение за трговија со дрога, а сега е видена на забавата на нејзината адвокатка Мариел Колон Миро, потврди TMZ.
Уживајќи во приватна ВИП зона на ноќниот клуб и опкружена со силно обезбедување, поранешната кралица на убавината е видена како пие и го надополнува изгубеното време со своите пријатели.
Локалните медиуми објавија дека таа го поминала поголемиот дел од вечерта сама, и се чини дека доста добро се прилагодува на животот надвор од решетките. 29-годишната Миро, која е и пејачка под уметничкото име Ла Абогада (адвокат на шпански), за време на ноќната забава изведе песна за својата клиентка.
Коронел Аиспуро со 66-годишниот Ел Чапо е во брак од својата 18 година. Тие се запознале кога таа имала 17, а тој речиси 50, на забава организирана од нејзиниот татко.
Коронел учествуваше на натпревари за убавина уште како девојче. Во 2006 година, таа победи на натпреварот за Мис Канелас во државата Дуранго. Американските власти претпоставуваат дека таа веќе била вклучена во продажба на наркотици.
