Британската манекенка Емили Ратајковски се нашла на мета на критики поради објавата дека жените без коса не се убави.
Имено, 26-годишната манекенка споделила топлес фотографија на Инстаграм со која се пофалила дека е новото заштитно лице на францускиот бренд за нега на коса “Kerastase”.
“Косата е основа на убавината, женственоста и идентитетот. Многу сум возбудена поради тоа што сум новото заштитно лице на “Kerastase”, напишала Ратајковски.
Голем број нејзини следбеници се разбесниле од оваа објава бидејќи, како што тврдат тие, со тоа Емили алудира дека жените кои немаат коса не се убави, а многу жени поради болест се соочуваат со овој проблем.
“Не можам да поверувам дека си го напишала тоа. Одвратно”, “Каков ужасен поглед на работите, навистина си грозна и плитка личност ако го мислиш тоа” и “Колку непромислено, грозно е тоа што девојките кои можеби немаат коса ќе сметаат дека се помалку вредни”, се само некои од коментарите.
По ваквиот скандал, манекенката го избришала спорниот дел од описот на фотографијата.
“Вие, убави жени кои сте ја изгубиле вашата коса, не ја слушајте. Косата не е пресудна за идентитетот и женственоста”, порачале корисниците на Инстаграм со коментар дека Ратајковски е површна.
“Возбудена сум што сум новото заштитно лице на “Kerastase”. Добредојдовте денови на убавата фризура”, подоцна напишала манекенката на фотографијата.
Поврзани вести
„Ме третираат како парче месо и зборуваат само за моите гради“ – Емили откри зошто не ја гледаме во нови филмови
НЕ УСПЕАЈА ДА ЈА СОКРИЈАТ СТРАСТА: Емили Ратајковски и поранешниот на Кардашијан „фатени“ како се бакнуваат (ФОТО)
