Дали е тоа враќање назад во минатото или иднината на социјалните мрежи? Инстаграм тестира нова функција која ќе им овозможи на корисниците да додадат песна на нивните профили.
Инсајдерот на оваа апликација, Алесандро Палуци прво ја сподели веста на Твитер, предизвикувајќи носталгични споредби со MySpace.
Сепак, функцијата е „внатрешен прототип и не се тестира надворешно“, рече портпаролката на Мета, Кристин Паи во изјавата, според „CNET“.
Палуци, кој е познат по откривањето нови функции преку обратно инженерство, твитна слики од екранот на потенцијалната карактеристика и како таа би изгледала и функционирала.
#Instagram is working on the ability to add a song to your profile 👀 pic.twitter.com/zX2jIlZLzc
— Alessandro Paluzzi (@alex193a) October 17, 2022
Опцијата за песна ќе се појави на дното од био-описот на Инстаграм. Користејќи ја песната на Рик Астли како пример, Палуци покажа каде свири и истакна дека сега не можете да ја пуштате музиката, но тоа може да се промени во иднина.
Назад во раните 2000-ти, MySpace славно им дозволи на корисниците да изберат музика во заднина за нивниот профил.
Иако Инстаграм не ја претстави оваа функција на јавноста, платформата додаде музика во Instagram Stories во 2018 година. Можете да изберете од илјадници песни во вашата библиотека или да додадете една од надворешна апликација како Spotify.
