ВатсАп ќе им овозможи на корисниците да чуваат привремени пораки – но ќе го предупреди испраќачот.

Функцијата за пораки што исчезнуваат значи дека пораките автоматски се бришат по 24 часа, 7 дена или 90 дена.

Сепак, новата функција наречена „задржи во разговор“ им овозможува на корисниците да одредат кои пораки би сакале да ги задржат. Испраќачот ќе биде известен кога некој ќе се обиде да зачува порака, а правото на зачувување е во нивни раце.

-Веруваме дека ако сте испратиле порака, ваш избор е дали другите во разговорот можат да ја задржат за подоцна, се вели во соопштението на WhatsApp.

Ако испраќачот одлучи дека неговата порака не може да се зачува, „вашата одлука е конечна“, велат од WhatsApp.

„Никој друг не може да ја задржи и пораката ќе биде избришана кога ќе истече времето. На овој начин го имате последниот збор за тоа како се заштитени пораките што ги испраќате.

Пораките што се зачувани ќе бидат означени со икона и ќе се организираат со разговор во папката „Зачувани пораки“.