Четирикатна гаража се урна во вторникот на Менхетн во Њујорк во близина на Универзитетот Пејс, усмртувајќи најмалку еден работник и повредувајќи уште пет лица.
Пожарникарите во Њујорк го активирале кучето робот и го пратиле меѓу урнатините на гаражата на Менхетн. Неговата задача е да пронајде преживеани, но и да го процени уништувањето поради кое загинал еден работник, а повредени се уште пет лица.
Кучето наречено Спот го користат наместо пожарникари бидејќи структуралниот интегритет на речиси 100 години старата зграда е оценет како небезбеден, соопштил одделот.
„Фала му на бога што имаме роботско куче кое може да влезе во зградата. Тоа е идеално бидејќи не можеме да пратиме човек во зградата која е нестабилна“, рекол градоначалникот Ерик Адамс.
Видеото направена на местото на настанот го прикажува Спот, роботот вреден речиси 75.000 долари, како се движи кон урнатините и паѓа на страна откако се обидува да се качува по градежниот отпад.
The @FDNY robot dog on the scene. #fidi #garagecollapse pic.twitter.com/JAHc3abVsD
— DaDa Rocks! (@dadarocks) April 18, 2023
Пожарникарите го набавиле Спот, тежок нешто повеќе од 30 килограми, минатата година за мисии за потраги и спасување, а го создал „Boston Dynamics“. Од тогаш, кучето добило ново „точкасто“ руво поради кое потсетува на далматинец.
„FDNY“ не е единствениот оддел кој користи механички кучиња како што е Спот. Имено, „NYPD“ составила роботска K-9 единица од три кучиња на далечинско управување со име „Digidogs“, објави Адамс минатата недела.
„”Digidog“ сега е дел од алатот кој го користиме“, рекол тој на прес-конференција.
Потсетуваме, четирикатната паркирана гаража се урна во вторникот на Менхетн во Њујорк во близина на Универзитетот Пејс, усмртувајќи најмалку еден работник и повредувајќи уште пет лица.
