Ако некогаш сте се запрашале дали престапник во спортско „БМВ“ би можел да и избега на полицијата, видеото го дава одговорот.
Бркањето не е невообичаено во Америка, но ретко е да се фати возач во скап спортски автомобил како „BMW M4“. Канцеларијата на шерифот на округот Форсајт објавила видео од потерата што се случила на 17 декември минатата година.
А се’ започнало кога полицаец се обидел да запре „БМВ“ бидејќи му биле вклучени долгите светла. БМВ-то набрзо бега, а зад воланот е 22-годишниот Ислам Асланов. Видеото започнува токму во моментот на почетокот на потерата. Иако БМВ-то ретко се гледа, според канцеларијата, Асланов возел 113 км/ч на делница каде дозволената брзина е 56 км/ч, а во еден момент возел 161 км/ч. На автопатот, сепак, возел 232 км/ч.
БМВ успеале да го успорат поставувајќи стапици за гуми. Преминувањето преку шилците ја дупнало гумата, а набрзо деморализираниот возач решил да капитулира и да се предаде. Против него е поднесена кривична пријава за брзо возење и несовесно возење, возење со долги светла и обид за бегство. На прашањето зошто побегнал, Асланов одговори дека „се исплашил кога ја видов полицијата зад мене“.