Супермоделот Жизел Бундхен наполни 42 години, а како што вели, подобро се чувствува во четириесеттите отколку во дваесеттите, а иако со години не испила кафе, пука од енергија.
„Однадвор изгледаше како да имам сè на само 22 години, но внатре се чувствував како да го допрев дното. Денот го започнував со мока фрапучино со шлаг и 3 цигари, а секоја вечер пиев по едно шише вино“, неодамна признала таа за Вог.
Откако година и пол живеела со анксиозност и напади на паника, таа побарала помош од натуропат и веднаш се откажала од сите пороци и нездрава храна и почнала да јаде само зеленчук, јаткасти плодови и малку месо. Во првите месеци ги доживеала симптомите на апстиненцијална криза, вклучително и мигрена, но после тоа се чувствувала многу подобро, па и денес се држи до здравите навики и секое утро се буди во 5 за да медитира и вежба.
А кои 5 совети ги дава за поздрав живот кој не чини ништо, прочитајте во продолжение:
Утрото започнува со хидратација
Детоксикацијата како идеален почеток на денот е рецептот на Жизела, па наутро на празен стомак пие шолја топла вода со лимон (исцедете го цел лимон), за која тврди дека и помага при варењето, pH рамнотежата на телото и јакнењето на имунитетот.
Медитација
„Медитацијата ми помага во секој момент од мојот живот, ме држи приземјена и фокусирана, особено кога сум вознемирена. Знам дека сè што треба да направам е да се концентрирам на дишењето за да бидам присутна во моментот и да се смирам“, откри Жизел, која обично медитира 20 минути пред рано утринското вежбање.
Поминува време на отворено
Жизел е голем љубител на спортот и ужива во јавање коњи, скијање и велосипедизам, меѓу другото. „Кога сакам да се ослободам од стресот, ништо не ми помага како кога сум во природа. Тоа може да биде океанот, планините или само соблекување на чевлите и чувствување на земја под вашите нозе“, изјави таа за британскиот Vogue.
Десерт – секој ден
Овој супермодел ја одржува својата фит линија и се придржува до строга диета, па препораката за уживање во десертот може да изгледа необично. Кога зборува за десерт, Жизел не мисли на бисквити и сладолед: „Повеќето мои десерти се базираат на авокадо и кокос, бидејќи овие масти се најдобри за мозокот“. Освен нив, таа ужива во урми, јаткасти плодови и темно чоколадо.
Шминка? Помалку е повеќе
„Секогаш се чувствував подобро со помалку шминка. Како дете отсекогаш бев по малку како машките, јас сум природна девојка“, рече таа за шминката, која исто така, барем делумно, може да биде тајната на нејзиниот младешки изглед.
