Секоја година во есен и зима, бараме храна што го зголемува имунитетот. Што е подобро за тоа од сад што содржи тиква, ѓумбир и портокал?!

Како тиквите, ѓумбирот и портокалите го зголемуваат имунитетот?

Тиквата е одлична сама по себе бидејќи содржи витамин Ц, но исто така е една од ретките резервоари на витамин А. Покрај тоа, таа е богата со магнезиум и растителни влакна.

Ѓумбирот содржи и витамин Ц, но исто така е богат со витамини од групата Б, натриум, калциум и железо. Неговата вредност е во тоа што има антиинфламаторно и антибиотско дејство.

Портокали, веќе и децата знаат дека: витаминот Ц е неопходен витамин што го има во цитрусните овошја. Исто така, портокалот е извор на витамини Б3 и Б6. И, замислете само каква е вредноста кога целата оваа храна се користи во едно јадење.

Намаз од тиква, ѓумбир и портокал

Можеби сè заедно ви звучи некомпатибилно, но ако сте љубител на необични вкусови и секогаш подготвени да пробате нешто ново, сигурно дека ќе ви се допадне намазот. Слатко-кисело-соленото одлично одговара со убав леб, но исто така и со домашен чипс. Понекогаш дури и го јадеме како гарнир со месо.

Ако немате органски портокал (важно е поради употребата на кора), ставете само сок од портокал во намазот.

ПОТРЕБНО Е:

1 поголемо парче тиква – печено во рерна (на 200 степени, печете ја тиквата околу 30 минути, додека не стане мека кога ќе ја допрете со вилушка) – околу 300 грама

1 поголем органски портокал

1 грст сончоглед

1 лажичка рендан ѓумбир

2 лажици маслиново масло со други зачини – по вкус

ПОДГОТОВКА: Изладете ја печената тиква пред употреба. Изрендајте или ситно исечкајте ја кората од 1/4 портокал, исцедете го остатокот за да добиете сок. Ставете го сончогледот во сецко и исецкајте го. Додадете ги сите преостанати состојки (тиква, ѓумбир, маслиново масло, изрендана кора од портокал и сок од портокал, сол) и мешајте додека масата не стане мазна. Чувајте го намазот во затворена тегла во фрижидер 2-3 дена.