Ленот е една од најстарите билки на светот. Некогаш се користел за изработка на ткаенини, а денес е познат како лек за речиси целиот организам.

Ленот е природен извор на есенцијални масни киселини, аминокиселини, влакна и многу нутритиенти. Семките од лен содржат минерали како калциум, селен, железо, натриум, магнезиум и калиум. Исто така се богати со витамините Б, Ц и Е.

Маслото од лен може да се користи како додаток во исхраната. Важно е маслото да биде термички необработено бидејќи со изложување на високи температури, тоа ги губи лековитите својства.

Лененото масло го стабилизира шеќерот во крвта, помага во губење на вишокот килограми и делува превентивно на појава на мозочен удар. Исто така, делува превентивно и на настанување на атеросклероза и ги спречува болките во зглобовите и артритисот.

Доколку имате воспаление на мочниот меур или проблеми со настанување на жолчниот каменец, лененото масло може да ви помогне.

Ленот делува на комплетната дигестија и метаболизам и го зајакнува имунитетот. Жените кои имаат болна менструација или патат од депресија, треба редовно да консумираат лен.

Покрај останатото, косата, кожата и ноктите изгледаат поздраво од консумирање на лененото масло.