Доколку сакате да го обликувате целото тело, да ја подобрите вашата кардиоваскуларна кондиција и да согорите што повеќе калории, нема потреба со часови да вежбате во теретаната или да трошите цело богатство на домашните справи за вежбање.

Единствено нешто што ви е потребно е јаже за прескокнување. Докажано е дека оваа вежба има многу предности, а еве само дел од нив:

Одличен начин за согорување на калории

Поединечни истражувања покажале дека 10-минутно вежбање со јаже е подеднакво ефикасно како и 30-минутно трчање во смисла на кардиоваскуларно подобрување и трошење на калории. Прескокнувањето јаже согорува околу 330 калории, додека трчањето согорува околу 270 калории.

Не бара голем простор и време

Оваа вежба можете да ја правите било каде и во било кое време, со некоја мотивациона листа на песни во позадина. Лошите временски услови и студот повеќе не се изговор.

Можете да вежбате сами или во друштво

Вежбата со јаже е истовремено и ефикасна и забавна.

Активира неколку групи на мускули во исто време

Прескокнувањето јаже ги обликува рацете, нозете, грбот, стомачните мускули, задникот и рамената.

Ги подобрува вашите вештини

Вежбањето со јаже не само што влијае рамномерно на одредени групи на мускули туку и ја подобрува кондицијата, координацијата, динамичната рамнотежа и рефлексите.

Сите можат да ја вежбаат

Кога ќе ја усовршите, техниката на прескокнување јаже е многу едноставна за имплементација без оглед на годините, обликот на телото или моменталното ниво на кондиција.

;