Најмалото бебе во светот Квек Ју Ксуан, била родена кога нејзината мајка била во 25-татат недела од бременоста и тоа со само 212 грама. Сега девојчето, по 13 месеци поминати во болница во Сингапур заминува дома.
Кога била родена таа имала само 24 сантиметри и била тешка колку просечно јаболко. Ја собирало во дланката на нејзината мајка. Квек се родила четири месеци пред терминот откако на нејзината мајка и била дијагностицирана прееклампсија. Ваквата состојба може да биде фатална и за мајката и за бебето.
При раѓањето бебето имало ограничени шанси за преживување, а денес тежи 6,3 килограми.
-Против сите правила, со силни здравствени компликации кои ги имаше при раѓањето, ги испирираше луѓето кои ја опкружуваа со својата истрајност, напиша медицинскиот тим од болницата каде е родена.
Yu Xuan, bayi yang dianggap terkecil dunia, akhirnya dibenar keluar hospital https://t.co/nHBWu3qUVt
📷NUH & keluarga Kwek pic.twitter.com/wUMNKmPApK
— BERNAMA (@bernamadotcom) August 7, 2021
Ју Ксуан се уште има хронична белодробна болест и ќе и треба помош за дишење. Сепак лекарите сметаат дека со тек на време нејзе ќе и биде се подобро.
Инаку, родителите успеале да го платат болничкиот престој и третманите со помош на кампања преку која се собрани 270.601 долар.
Пред Ју Ксуан најмалото бебе на светот е родено во 2018 година во Ајова со 245 грама.
