Во близина на островот Оаху, на Хаваите е снимен нуркач како на само неколку метри оддалеченост плива заедно со огромна бела ајкула, без никаква заштита.
Снимката на ајкулата, најголема што кога било е снимена, се користи во кампања за заштита на ајкулите и ражите од убивање и прогласување за заштитени животни на Хаваи.
Истражувачот и конзерватор, Оушн Ремзи рече дека во вторникот имала блиска средба со шест метри долга бела ајкула, која се смета за најголем предатор меѓу овие животни.
Настанот го сними и го објави на социјалните мрежи нејзиниот вереник и деловен партнер, Хуан Олифант.
Ремзи изјави дека заедно водат кампања за усвојување на закон за забрана за убивање на ајкулите во Сојузната американска држава Хаваи.
