Измамите се почести денес, а долго време се веруваше дека луѓето кои се несреќни во врската или бракот избираат да имаат афери.

Иако генерално е така, сепак има среќни парови кои бараат секс на друго место. Овој неверојатен резултат од истражувањето беше објавен во научно списание во кое побараа 233 парови да пополнат анкети за изневерување во период од три ипол години.

Истражувањата покажаа дека и мажите и жените кои биле најсреќни во сексуалниот однос со партнерот повеќе изневерувале од оние кои не биле.

-Зошто да изневерувате ако сексот во врската е добар? Луѓето изневеруваат од различни причини! Некои сакаат повторно да се чувствуваат млади, да избегнуваат интимност или да не им се допаѓаат личностите во кои се претвориле. Исто така, се смета дека сексуално задоволните луѓе во среќни врски изневеруваат затоа што се повеќе заинтересирани за секс. Ако навистина многу го сакате сексот, веројатно ќе го опишете вашиот примарен сексуален живот како добар затоа што за вас секој секс е добар секс, стои во заклучокот.

Друга причина е што почесто имаат секс, па сакаат се повеќе и повеќе.

„Теоријата за хидраулична пумпа“ во психологијата вели дека имате само одредена количина на енергија за нешто. Ако партнерот има секс со друга личност, нема да сака „акција во кревет“ со личноста со која е во врска, па се верува дека ако има многу секс во врската, нема причина за грижа. Сепак, многумина се “запалени“ од аферата, што ги тера да сакаат уште повеќе секс со партнерот.

Оваа студија излезе со уште еден изненадувачки резултат. Имено, се претпоставува дека луѓето кои се поубави се во искушение да имаат афери бидејќи имаат повеќе можности. Оваа студија го докажа токму спротивното – кај жените, најмалку привлечните испитаници биле оние кои најмногу изневерувале. Тоа е фасцинантна информација, иако вознемирувачки увид во човечката психа.