Бракот може да биде најдобрата одлука која сте ја донеле само доколку се трудите да го одржувате, да го подобрувате и да уживате во него.

Бракот како што поминува времето се исполнува со рутини кои еден ден ќе ви дојдат преку глава. Во тие моменти мора да се контролирате и не смеете да се развикувате и да се карате, бидејќи грешката е во самите вас.

Дозволете во животот поголем дел од работите да се случуваат спонтано. Со тоа ќе внесете возбуда која ќе ви дава енергија да продолжите напред.

Давајте подароци без причина. Нека секој бакнеж, секое ново утро биде причина да го изненадите партнерот. Како? Вие најдобро ги познавате неговите вкусови и желби, затоа потрудете се и исполнете му барем една.

Лутењето е убиец на бракот и на љубовта, затоа контролирајте се. И една недела да не му проговорите, што ќе постигнете? Ништо, потоа како ништо да не се случило вие повторно ќе бидете среќни заедно. Зошто тогаш да изгубите една недела? Живејте го секој миг, бидејќи животот е многу краток.

Споделувајте ги сите позитивни моменти од денот и од животот заедно, смејте се, имитирајте некого, гледајте добар филм. Само така ќе се зближите уште повеќе.

Нормално е да не се согласувате во дел од активностите, затоа мора да постои компромис. Ако денес попуштите вие, наредниот пат тој ќе го направи тоа.