Нутриционистите веруваат дека лимонот не е храна која секој би можел да ја користи.

Лимонот има бројни здравствени придобивки – богат е со витамин Ц, се бори со слободните радикали во клетките и му помага на срцето да работи. Покрај тоа, го намалува нивото на шеќер во крвта и е одличен сојузник во борбата против вирусите.

Лимонската киселина од лимонот помага да се спречи формирањето на болни камења во бубрезите, а исто така ја ублажува болката кај воспалените синуси.

Лимонот е вреден за одржување на витка линија бидејќи го забрзува метаболизмот, но и за убавина бидејќи може да ги осветли флеките на кожата, да ја намали мрснотијата на косата и да ги отстрани брадавиците.

Иако се добива впечаток дека лимонот е семоќен, нутриционистите сепак предупредуваат дека постојат одредени категории на луѓе на кои лимонот нема да им одговара.

Според експертите, цитрусното овошје е најопасно за луѓето со гастритис и други болести на дигестивниот тракт.

„Лимонот го поттикнува производството на хлороводородна киселина во организмот. Кога ќе стигне до желудникот на пациент со дигестивни проблеми, киселоста уште повеќе се зголемува, што предизвикува не само непријатност, туку и влошување на здравствените проблеми“, тврди нутриционистката Наталија Круглова.