Руските лекари се борат за животот на анорексичните близначки Маша и Даша Леденева, откако тие две по барање на модна агенција, ослабнале до 36 и 40 килограми и завршиле во тридневна кома.
Девојчињата биле итно префрлени на интензивна нега во болница во Москва кога станале “живи костури” на кои никој во родниот Липецк не сакал да им помогне. Близначките лежеле во домот и практично чекале да умрат, а дури и докторите одбивале да интервенираат сe’ додека Марија Кохно, активистка за помош на лицата со пореметувања во исхраната, не кренала тревога.
View this post on Instagram
Twins ? Belek. Turkey ?? #siamelegancehotel #photomodel #twins #alanya #twotwixsticks?
-Никој не сакал да им помогне на девојчињата. Нивната мајка одела од врата на врата, но болниците упорно ги одбивале. Таа ѝ се обратила и на водителката Елена Малишева, како и во Прехранбениот институт во Москва, но никој не сакал да се занимава со “живи лешеви”, изјавила активистката.
Кохно, која е инаку и самата поранешна манекенка, открила дека модните агенции барале на девојчињата да им се истакнуваат јагодичните коски за да добијат прилика за фотографирање. Поради тоа, најпрвин ослабнале околу 5 килограми, јаделе храна која била исклучиво приготвена на пареа и тоа не по 17 часот.
Сега на лекарите им преостанува да ги извлечат од работ на смртта, кога срцето може да им застане во секој момент. Марија опишала дека Маша, една од близначките, може да станува и да го мрда своето тело, но Даша само лежела и немала сила ни да ја подигне својата глава.
Во едно интервју, Даша признала дека се плаши од дебелеење. Кога близначките биле прашани дали се плашат дека ќе умрат, тие само ги наведнале главите и гледале во подот без да зборуваат, бидејќи смртта не била она од кое тие се плашеле, туку дебелеењето.
Извор: ТОЧКА
Поврзани вести
22 милиони прегледи: Близначки се сретнале повторно по 24 часа и покажале колку се поврзани
Близначка се изгубила на пазар, па била посвоена- еве што покажа истражување по нивното одделно растење
