Кристина Озтурк од Грузија, мајка на 22 деца, се нашла во големи невољи откако нејзиниот сопруг, турскиот бизнисмен Галип Озтурк (57) e уапсен под обвинение за фалсификување документи и перење пари.

Кристина живее во нивната голема куќа во градот Батуми, Грузија, со своите деца. Таа го родила девојчето Вика на 17-годишна возраст, а потоа, првото дете со Галип – синот Мустафа, го добиле во 2020 година. Нивното 21. дете – ќерката Џуди се родила пред само три месеци. Тие двајца станаа светски познати, откако од март 2020. до јули 2021 година, потрошиле повеќе од 168.000 евра на сурогат-мајки кои им родиле 19 бебиња. Така, таа на свои 24 години е мајка на 22 деца.

На дадилки годишно трошат повеќе од 90.000 евра, а планирале да имаат 105 деца. Но, Кристина сега вели дека не знае дали нивните планови ќе се остварат бидејќи Галип е уапсен во Грузија, а таа е осамена и не може да го поднесе тоа што го нема својот сопруг крај себе.

„Чувството на осаменост не ме напушта ниту со толку блиски луѓе во мојата близина. Навикната сум сопругот да е дома, да е секогаш тука. Последниве години работи од дома, па постојано бевме заедно. Ноќе, кога ќе ги заспиевме децата, си правевме муабет… Кога и да одев во Тбилиси или Истанбул, си зборувавме по телефон со часови“, напиша таа на Инстаграм.

Кристина вели дека сега ѝ е потешко од кога било.

„Не можам да ја поднесам тишината. Не можам да го поднесам неговото отсуство… Не можам да ја слушнам неговата смеа, гласот, не ја чувствувам неговата прегратка“, раскажува таа.

Инаку, Галип Озтурк, освен како осомничен фалсификатор, е познат и по тоа што избегал од Турција во 2018 година, како осуденик на доживотен затвор за убиство извршено 1996 година.