Женката по име Маша секојдневно го посетувала својот болен сопственик во болница во Сибир.
Дури и кога починал, таа продолжила да доаѓа, а залудното чекање траело повеќе од година дена.
Меѓу персоналот на болницата во Новосибирск сите ја знаат судбината на Маша и во ходникотѝ поставиле кревет и храна. Лекарите се надеваат дека некој ќе ја вдоми.
-Тагата ѝ се гледа во очите. Таа не изгледа како останатите среќни кучиња. Животните се исти како луѓето, вели др. Владимир Беспалов.
Едно семејство се обидело да ја одведе Маша, но таа во три часот наутро избегала од нивниот дом и се вратила во болницата.
-Мислам дека никогаш нема да замине, рекла медицинската сестра Ала Воронцова.
Примерот на Маша е последен во низата кој зборува за неверојатната доверба и безусловна љубов на кучињата кон човекот.
Поврзани вести
Престана со работа главната единица за производство на струја во болница во Газа
Единствената болница за онколошки пациенти во Газа не работи поради недостиг на гориво, во опасност животот на 70 пациенти
