Тинејџерот Рајли Хорнер од Илиноис се буди секој ден сметајќи дека 11-ти јуни е денот кога претрпела трауматска повреда на мозокот.

Поради тоа нејзината меморија се рестартира на секои два часа. Како и во филмот „Бескраен ден“, само што нејзиниот ден е многу пократок – само два часа.

Нејзиниот кошмар започнал на кобниот 11-ти јуни кога случајно се удрила во глава додека танцувала. Оттогаш, нејзините лекари ги направиле сите тестови и не пронашле ништо.

-Ни кажуваат дека сè е добро медицински. Тие не гледаат ништо. Нема потрес на мозок со магнетна резонанца или CT. Нема крварење во мозокот, нема тумор “, рекла нејзината мајка Сара Хорн.

Но, 16-годишната Рајли мора постојано да носи белешки во тетратката за да може да функционира и да фотографира со својот мобилен за да запомни основни работи како што е шкафчето на училиште.

„Знам дека е тешко за нив колку и за мене“, раскажува Рајли за себе и нејзините родители.

-Луѓето едноставно не разбираат. Тоа е како филм. Јас нема да се сеќавам на ова интервју со вас до вечерата“, опишала Рајли.

Исто така, таа го изгубила сеќавањето за сите важни семејни настани.

-Брат ми почина минатата недела, а таа веројатно нема идеја. Ние разговараме со неа секој ден, но таа сè уште не знае, додала нејзината мајка.

Семејството стравува за нејзината иднина бидејќи лекарите укажале на можноста таа да трае цел живот.