Посмртните остатоците од детето се пронајдени 16 дена по исчезнувањето на четиригодишниот и неговата мајка во близина на крајбрежниот автопат во Сицилија.

Телото на неговата мајка диџеј Вивијана Париси е пронајдено порано во близина на електричен столб, откако доживеа мала сообраќајна несреќа. Но, нејзиниот син не бил покрај неа, па полицијата продолжила со потрагата.

Посмртните останки на детето ги пронашол полицаец доброволец, на околу 200 метри од магистралниот пат до Палермо и 400 метри од местото каде е пронајдено телото на мајката.

Обвинителот Анџело Кавало изјавил дека истражителите работат на три хипотези кои би можеле да објаснат што се случило: убиство-самоубиство, напад на диви животни или сексуален напад.

Според полицијата, Вивијана Париси го повела нејзиниот син на шопинг при што доживеала мала несреќа во тунелот. Нејзиниот автомобил имал продупчена гума, а Париси го запрела возилото откако го напуштила тунелот.

Видеоснимката од приватна надзорна камера ја снимил пар во возило па сега апелира до семејството кое застанало да ѝ помогне на Париси, да се јават на властите и да помогнат во истрагата.

Сведоците опишале дека Париси се прекачила преку заштитната ограда, била „исклучително вознемирена“ и дека носела неповредено момче во рацете.

Вивијана Париси неодамна доживеала нервен слом, а наводно нејзината состојба се влошила поради карантинот и пандемијата на коронавирусот.

Меѓутоа, нејзиниот сопруг, диџејот Даниеле Мондело, инсистира на тоа дека денот пред исчезнувањето таа била сосема мирна и смирена.

– Вивијана не го уби, таа премногу го сакаше – рекол тој, исто така, побивајќи ја и теоријата дека била нападната од диви животни.