Многу од теориите на Сигмунд Фројд биле побиени веќе во текот на 20 век, сепак мудростите и зборовите за човековата природа, остануваат како вечен потсетник за посвесен и попаметен живот.

„Луѓето секогаш ги споредуваат вашите успеси со нивните сопствени, а доколку вашите успеси се подобри, луѓето ќе се чувствуваат полошо. Доколку сакате околу себе да создадете непријатели и завидливи луѓе, само почнете да зборувате за своите победи“.

Секако дека треба да бидете горди на себе и своите постигнувања и не треба да ги криете. Но, внимавајте кога зборувате за своите успеси, за да не преминете во фалење и да предизвикате завист и љубомора. Внимателно проценете кому се обраќате за да не останете без пријатели.

Слично правило важи и за животните неуспеси и неволји. Доколку постојано зборувате за себе и за својот живот во негативен контекст за кратко време ќе бидете опкружени со енергетски вампири кои се хранат со туѓата несреќа.

„Доколку сакате да си ги упропастите сопствените планови – кажете му на целиот свет за нив“.

Ова сигурно ви е познато и веројатно ви се случило. Раскажете им на луѓето што планирате, изложете ги деталите, полни сте со ентузијазам и потоа сѐ одеднаш ќе почне да се руши како кула од карти.

Фројд верувал дека проблемот не е во влијанието на другите луѓе туку во нас самите:

„Штом зборувате за своите планови, добивате одобрување со нивните постигнувања. Мозокот губи мотивација, страст и интересирање“.

Зборувањето за плановите веќе ја исцрпува мотивацијата и интересирањето за реализирање на планот се губи (нашиот мозок реагира како да направил многу работи). Би било мудро поголем дел од плановите да ги задржите за себе.