Владата на СДСМ, конечно можат да се пофалат дека се лидери во нешто. За жал Владата на СДСМ ја направи Република Македонија лидер на Балканот и во Европа во корупција, истакна Димче Арсовски, портпарол на ВМРО-ДПМНЕ.

-Република Македонија и официјално според извештајот на Траспаренси Интернешнл за 2018 година е лидер на Балканот и во Европа во корупција заедно со Косово и Албанија. Република Македонија е најкорумпираната држава на Балканот и го дели 93тото место заедно со Косово. Република Македонија е најкорумпирана држава во Европа. Замислете пред нас се сите балкански земји, Србија, Хрватска, Бугарија, Грција, Романија, Словенија, Црна Гора, сите, рече Арсовски и додаде:

„Но, она што ги загрижува граѓаните на Република Македонија е тоа што со должна почит кон следниве држави што ќе ги набројам, но морам да истакнам дека пред нас подобро се справуваат со корупцијата и се подобри од нас држави од типот на Свазиленд, Лесото, Буркина Фасо, Намибија, Руанда и многу други афрички држави. Пак ќе кажам, со должна почит кон овие афрички држави, но Зоран Заев ја спушти Република Македонија пониско и од нивото на Африка“.

За жал, потенцираше, со ова гледаме дека Македонија не е само најкорумпирана во Европа, туку е и меѓу најкорумпираните држави во Африка.

-А, впрочем како нема да биде најкорумпирана кога оваа Влада на СДСМ ја однесе дома и ја подели на своите најблиски целата држава и сите парите на граѓаните. Нема тендер, а да не го добие некој од СДСМ или некој од фамилијата на Зоран Заев. Криминални иновации, криминални и крвави тендери, концесии за марихуани, тендери на вицепремиери, вакцини со поминат рок, набавка на бифтеци и луксузни возила, прислушување на обвинители и судии и многу други афери што граѓаните секојдневно ги гледаат, истакна портпаролот на ВМРO-ДПМНЕ и додаде:

„Затоа, заради овој неуспех на најнеспособната Влада во Република Македонија, која што ја води најнеспособниот премиер во историјата на Република Македонија, тоа е Зоран Заев, треба да прифати предвремени парламентарни избори и Зоран Заев да си даде оставка од функцијата за да отпочне процесот на формирање на техничка Влада и конечно да се случат предвремените парламентарни избори од кои што бега СДСМ, за да биде поразен заедно со СДСМ и испратен во историјата. На Република Македонија и треба прогресивна и економски силна Влада како што впрочем работи ВМРО-ДПМНЕ, а не криминална Влада која е одлика на работењето на СДСМ и фамилијата Заеви. Почитувани господа од СДСМ, Не се плашете и распишете избори. Секако ќе загубите кога и да се случат, дали сега или понатаму ќе изгубите, затоа што народот повеќе не ве сака и нема доверба во вас!!!“.