Помалку од 8 проценти од граѓаните имаат доверба во правосудството а веќе 6 години е СДСМ на власт, изјави портпаролот на ВМРО-ДПМНЕ Димче Арсовски во вчерашното гостување во емисијата „Клик Плус“ на ТВ 21.

„ВМРО-ДПМНЕ блокира се што е штетно за граѓаните, а е во интерес на СДСМ. За жал СДСМ е на власт веќе 6-та година на власт, и не успеа да интервенираат во правосудството. СДСМ да ги послушаше нашите сугестии во законот за Јавно Обвинителство, немаше довербата да е само неколку проценти.“, рече Арсовски.

Арсовски запраша дали Кацарска била унапредена за сите интереси кои ги заврши за Зоран Заев.

„Некоректно и непријатно спрема граѓаните е да предлагате како партија правник кој работел во институција во министерство за уставен судија, бидејќи уставен судија е највисока работа во државата кој се грижи за Уставот на државата“, кажа Арсовски.