Горан Момироски и Драган Милосављевиќ, новинари и автори на емисијата „Заспиј ако можеш“ која се емитува на ТВ Алфа, утре се поканети на распит во скопското Јавно обвинителство.
Како што дознава МКД.МК, обвинителството смета дека новинарите треба да дадат некакво појаснување за она што го објавиле уште на 11 јануари годинава, а се однесувало на безбедносните и разузнавачки структури на Македонија.
Момироски и Милосављевиќ во Обвинителството ќе престојуваат во различни термини за да дадат исказ за предметот за кој се поканети. Момироски е поканет на пладне, а Милосављевиќ во 13 часот.
За МКД.мк Момироски само ни ја потврди информацијата дека утре ќе биде во обвинителството, но не сакаше да даде детали од поканата од Обвинителството пред да види за што се точно се работи.
Поврзани вести
МАН со реакција по заканите врз животот за новинарот Горан Момироски
Момировски: Јасно е дека има корелација меѓу Данела и СДСМ за да се намали влијанието на ВМРО-ДПМНЕ, а тоа се гледа и од нивната платена кампања
