Кривичниот суд попладнево соопшти дека им ги одбил жалбите на осомничените во предметот за изнуда со трговија на влијаније.
Тоа значи дека Бојан Јовановски и Зоран Милевски како осомничени, остануваат во 30 дневен притвор.
„Постапувајќи по жалби изјавени против решенија на судија на претходна постапка од 15.07.2019 година, Кривичниот совет при Основниот кривичен суд – Скопје денеска одржа седница на која по ценење на наводите во жалбите како и фактите и аргументите во предметот донесе одлука со која жалбите ги одби како неосновани, а решенијата на судија на претходна постапка ги потврди во целост. На 15.07.2019 год. постапувајќи по предлог на ОЈО за организиран криминал и корупција за определување мерка притвор против две лица кои беа спроведени во судот, донесе решенија со кои го прифати предлогот и им определи мерка притвор во траење од 30 дена“, соопшти судот.
Поврзани вести
Продолжен за два месеци притворот на осомничените за нападот во северно Косово на 24 септември
Предложен притвор за 81-годишен скопјанец за полови дејствија спрема дете
