Стотици Битолчани излегоа на улиците и се чувствува вознемиреност во градот по серијата земјотреси кои се случија во близина на Лерин од другата страна на македонско-грчката граница, известува Емилија Мисирлиевски, новинарка на ТВ Телма од Битола.
Епицентарот на земјотресите е на 30-тина километри од Битола на грчка територија.
Во Битола е забележлива и поголема раздвиженост со автомобили.
Граѓани од Ресен и од Прилеп исто така за Телма објаснуваат дека земјотресот бил силен и долг, а имало и тресење на работите во нивните домови.
