До редакцијата на КУРИР пристигнаа фотографии на кои кандидат за пратеник на македонска владејачка партија агитира кај ромското население во Куманово.
Имено, тој истовремено е и претседател на истата партија во ромското маало Средорек.
Изминативе неколку денови бевме сведоци на серија вакви настани во која беа вклучени и градоначалници на неколку општини во Македонија.
Техничкиот министер за внатрешни работи, Наќе Чулев изминативе неколку дена апелираше до граѓаните да не го прекршуваат изборниот закон, а ваквиот настан во Средорек е грубо прекршување на законот.