Политичката ситуација во Македонија станува интересна. Со создавањето на новото парламентарно мнозинство кое ќе ја разреши Владата на Заев доколку до понеделник не поднесе оставка, започнаа психолошките игри. Владејачките партии прават напори да нема промена на бројките и структурата на досегашното парламентарно мнозинство . За лидерот на интегративците ситуацијата станува се посериозна и се чини како да излегува од контрола, пишува ин7.

Христијан Мицкоски од ВМРО-ДПМНЕ синоќа објави дека има ново парламентарно мнозинство, заедно со албанската опозиција (АА и ААА), Движењето Беса и Левицата. Најавеното мнозинство има 61 пратеник, но можноста оваа бројка да се зголеми е многу голема. Шпекулациите веќе почнаа и е пресметано за мнозинство од најмалку 64 пратеници.

Во медиумите беше објавено дека се очекува во новото мнозинство да се приклучат двајца пратеници на ДУИ по соборувањето на владата. Но, како што дознава ин7, на оваа бројка се додава и пратеник. Значи станува збор за 3 пратеници од ДУИ кои се очекува да го напуштат бродот на Ахмети.

in7 ги обезбеди имињата на тројцата, но нема да ги објави поради зачувување на изворот. Еден од пратениците е од полошкиот регион, додека другите двајца се од скопскиот регион.

Сè ќе се разјасни во наредните денови. Она што е речиси сигурно, ДУИ и Али Ахмети ќе бидат новата опозиција на Албанците.