Македонија се движи во погрешна насока сметаат повеќе од половина од граѓаните.
Имено, 56 проценти од анкетираните граѓани сметаат дека Македонија се движи во погрешна насока, покажува најновата анкета спроведена од Меѓународниот републикански институт (ИРИ) од 8 април до 4 мај годинава.
На прашањето дали Македонија се движи во добра или во погрешна насока, дури 4 пати повеќе односно 56 проценти од испитаниците сметаат дека државата со владата на СДСМ и Димитар Ковачевски се движи во погрешна насока, додека пак само 14 проценти сметаат дека се движи во добра насока.
Анкетата покажува кој според граѓаните е најважен проблем со кој се соочува Македонија. На прашањето кој според вас е најважниот прв и втор проблем со кои се соочува Република Македонија денеска, дури 15 проценти од анкетираните граѓани одговориле дека прв најважен проблем со кои се соочува државата е економската ситуација. Веднаш потоа, како втор најважен проблем кој го посочуваат граѓаните во анкетата на ИРИ или дури 13 проценти од граѓаните сметаат дека тоа е сиромаштијата, нискиот животен стандард како и проблемите на обичните граѓани, додека пак 11 проценти од граѓаните сметаат дека високите цени се вториот најважен проблем.
12 проценти од испитаниците пак сметаат дека прв проблем со кој се соочува државата е невработеноста, додека пак за втор најважен проблем односно 9 проценти со кој се соочува Македонија е токму иселувањето на младите.
Веднаш потоа на прашањето дали според вас владата на Ковачевски е посветена на решавање на првиот најважен проблем со кој се соочува Македонија спомнат претходно, дури 40 проценти одговориле дека воопшто не е посветена на решавање на економската ситуација. Според анкетата само 3 проценти од граѓаните сметаат дека целосно е посветена, додека 17 проценти сметаат дека во принцип е посветена, 37 проценти одговориле дека во принцип не е, додека најголем процент односно 40 процентот од испитаниците сметаат дека владата на СДСМ и Ковачевски воопшто не е посветена на решавање на првиот проблем или подобрување на економската ситуација.
Анкетата е спроведена на 1,204 испитаници, на возраст од 18 и повеќе години со метод на повеќестепен стратификуван примерок преку интервјуа лице-во-лице во домовите на испитаниците.
Најновата анкета на Меѓународниот републикански институт ИРИ покажува и дека дури 19 проценти би гласале за ВМРО-ДПМНЕ доколку се одржат избори престојната недела.
Имено, анкетата е спроведена од 8 април до мај на 1208 испитаници, а на прашањето доколку престојната недела се одржат парламентарни избори за која политичка партија би гласале, ВМРО-ДПМНЕ има речиси двојна предност пред СДСМ, односно 19 проценти од испитаниците одговориле дека ќе гласаат за ВМРО-ДПМНЕ, додека пак само 11 проценти од анкетираните граѓани одговориле дека би гласале за СДСМ.
Само за споредба речиси на секоја анкета ВМРО-ДПМНЕ има убедливо водство пред СДСМ, а тоа го покажува и стравот на владејчаката партија која бега од изборно соочува со опозициската ВМРО-ДПМНЕ и лидерот Христијан Мицкоски.
Имено пред само недела ипол и Мицкоски во свое гостување во емисија на нацинална телевизија изјави дека единствена опција за која што ВМРО-ДПМНЕ би разговарала во иднина се одржување на предвремени парламентарни избори.
Четири недели Ковачевски имаше можност да избере меѓу двете наши понуди, но од денеска тие веќе не важат и има само една опција – предвремени парламентарни избори, соопшти претседателот на ВМРО-ДПМНЕ Христијан Мицкоски во своето гостување на телевизија „Канал 5“ и додаде:
Нашата позиција е јасна, ние играме со отворен гард. Двете опции што ги понудив на лидерската средба беа на маса до овој монент, но се уште не слушнав од Ковачевски која опција ја прифаќа, првата или втората. Од денеска има само една опција на маса – предвремени парламентарни избори.
Ова јасно покажува дека граѓаните одбираат промени, подобра иднина и визија.
