На граничниот премин „Богородица“ за излез од државава има чекање од 10 до 15 минути. На останатите гранични премини нема подолги задржувања за влез и излез од земјава, информира АМСМ во пладневниот извештај за состојбата за патиштата.
Интензитетот на сообраќај на патните правци надвор од градските средини е зголемен, а сообраќајот на државните патишта се одвива непречено, по суви коловози.
АМСМ препорачува приспособена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде што има можност од појава на одрони.
