Македонската пејачка Андријана Јаневска на социјалните мрежи објави фотографии од околината на реката Лепенец која е полна со ѓубре.
-На првата фотографија е Лепенец, прекрасна река на 10 минути пешачење од мојот дом. На останатите фотографии е околината на Лепенец. Да беше Лепенец река во Германија, немаше околу да има ѓубре, туку претпоставувам патека за пешачење, клупи и плажа на островот. Поентата е дека не мора да биде во Германија за да биде чисто! Може и кај нас! Сè што е потребно е свест за чиста и здрава околина и љубов кон природата, пишува Јаневска.
