Антонио Јовановски граѓански активист од Здружението на граѓаните „Биди зелен“ во вечерашната 24 Анализа на 24 Телевизија истакна дека декларативно се приоретизира заштитата на животната средина, а институциите немаат капацитети да ги решаваат проблемите кои се поврзани со отпадот и со животната средина.
-Имаме ситуација каде само декларативно се приоретизира заштитата на животната средина, а инситуциите немаат капацитети даги решаваат проблемите кои се поврзани со отпадот и со животната средина, вели Јовановски.
Тој појасни дека со години министерството за животна средина има најмал буџет и најмали капацитети, се приоретизира декларативно, се носат закони, но имплементацијата недостасува.
-Законот за индустриски емисии кој со години сакаме да се донесе кој ќе контролира штетни емисии на индустријата, но сомнежот е дека иако се донесе нема да има имплементација, деприоретизирање на министерството за животна средина во однос на финансиски средства и капацитети, а му се дава огромен товар, а не е единствено министерство кое е засегнато.
Тој ги посочи министерството за економија, како одговорно за енергетика, министерството за транспорт, министерството за внатрешни работи кои имаат голема одговорност кога станува збор за животната средина.
-Државен комунален инспекторат на ниво на цела Македонија има вработено само еден човек кој се очекува да справи со сите комунални ситуации поврзани со отпад и да ги надгледува локалните комунални инспектори, тоа не е можно објасни Јовановски.
